noyabr 2020. Muallif: Nasiba AbdullayevaMUHAMMAD YUSUF IJODIDA MILLIY QADRIYATLAR IFODASI“Atoqli adiblar va mutafakkirlarimiz ijodiy merosini yoshlar o‘rtasida targ‘ib qilish hamda Adiblar xiyobonidan samarali foydalanish chora-tadbirlari to‘g‘risida” Vazirlar Mahkamasining 2020-yil 24-avgustdagi 502-son qaroriga binoan oliy ta’lim muassasalarida adiblar ijodini o‘rganish bo‘yicha chora-tadbirlar rejasi ishlab chiqilgan edi. Ushbu rejada belgilangan vazifalar ijrosini ta’minlash maqsadida Bugun O`zbekiston davlat san’at va madaniyat institutida “Muhammad Yusuf ijodida milliy qadriyatlar ifodasi” mavzusidagi Respublika ilmiy-amaliy online konferensiyasi tashkil etildi.Ushbu konferensiyani O’zbekiston davlat san’at va madaniyat instituti Yoshlar bilan ishlash bo’yicha prorektor Eldor Shermanov kirish so’zi bilan ochib berdi. Konferensiyada shoirning umr yo’ldoshi Nazira As-Salom, institutimizning “San’atshunoslik va madaniyatshunoslik” kafedrasi dotsentlari Qunduzxon Nishonboyeva hamda Ma’mur Umarovlar Muhammad Yusuf haqidagi xotiralari bilan o’rtoqlashdi, shoir she’riyatidagi nekbin tuyg’ular tarannumi, milliy qadriyatlar ifodasi, adabiyot va san’at, madaniyatni rivojlantirish – xalqimiz ma’naviy olamini yuksaltirishning mustahkam poydevori ekanligi haqida konferensiya qatnashchilariga ko’plab ma’lumotlar berdilar. O’zbekiston davlat san’at va madaniyat institutining Farg’ona mintaqaviy filiali hamda Nukus filialidan ham iste’dodli talabalar konferensiyada o’zlarining badiiy chiqishlari bilan faol ishtirok etishdi.  Yosh o’qituvchi Ulug’bek Musinov Muhammad Yusuf she’riyati asosida “Yoshlar ijodiy tajriba studiyasi” loyihasi va undan kutilayotgan natijalar haqida gapirgan bo’lsa, “Milliy qo’shiqchilik” kafedrasi jo’rnavozi Sardor Homidov tomonidan shoir she’rlari asosida bastalanagan qo’shiq yig’ilganlarga manzur bo’ldi. Madaniyatshunoslik mutaxassisligi 2-kurs magistranti Kamoliddin Umarov tomonidan “Yoshlarda yurtga sadoqat va vatanparvarlik tuyg’ularini shakllantirishda Muhammad Yusuf ijodiy merosining ahamiyati” haqida ma’ruza qilingan bo’lsa, Yoshlar parlamenti a’zosi Bobur Xo`jamqulov esa shoir she’rlarini o’z shaxsiy komolotida tutgan o’rni haqida gapirdi.“Muhammad Yusuf hayoti va ijodi” telegram kanali yurituvchisi Oltinbek Ubaydullayev tomonidan shoir hayoti va ijodiga bag’ishlangan loyiha va tanlovlar haqida ma’lumotlar berildi. Shohida Shovqiyeva tomonidan Muhammad Yusuf she’rlari ingliz tilida jarang sochdi.Iste’dodli talabalarimiz Mohinabonu Uzoqova hamda Zokirjon G’ulomov ijrosida shoir she’rlari mahorat bilan ijro etildi.Konferensiyaning to’liq tasvirini .Konferensiyaning asosiy tashkilotchilari Yoshlar bilan ishlash bo’yicha prorektor Eldor Shermanov, Ma’naviyat va ma’rifat bo’limi boshlig’i Abror Porsayev, Iqtidorli talabalar bilan ishlash bo’limi boshlig’i E’tibor Nazarova hamda Yoshlar ittifoqi boshlang’ich tashkiloti yetakchisi Jumagul Nishonova. Nasiba Abdullayeva O`zDSMI Yoshlar ittifoqi Media guruh rahbari

«МУҲАММАД ЮСУФ- ВАТАН КУЙЧИСИ» МАВЗУИДАГИ ОНЛАЙН УЧРАШУВ

Жорий йилнинг 18 сентябрь куни Адиблар ҳиёбонида Ўзбекистон Давлат санъат ва маданият институти раҳбарияти, профессор ўқитувчилари, талабалар иштирокида адабий учрашув ташкил этилди. Тадбир янги интерфаол методлар асосида ZOOM платформаси орқали Ўзбекистон давлат санъат ва маданият институтининг Фарғона минтақавий филиали ҳамда Ўзбекистон давлат санъат ва маданият институтининг Нукус филиали талаба-ёшлари учун ахборот мураббийлик соатларида тўғридан-тўғри жонли мулоқот асосида бўлиб ўтди.
Шунингдек, онлайн учрашувда Андижон шаҳридаги Муҳаммад Юсуф номидаги ижод мактаби ўқувчилари, устозлар ҳам қатнашди. Ушбу тадбирда Ўзбекистон давлат санъат ва маданият институти ректори, филология фанлари доктори, профессор Иброҳим Йўлдошев, Ўзбекистон халқ шоири Иқбол Мирзо, Ўзбекистон халқ артисти, Муқимий номидаги Ўзбек давлат мусиқали театри директори Мирза Азизов, адабиётшунос олим, профессор Сайёра Тўйчиева ва бошқа таниқли адабиёт, санъат номоёндалари иштирок этди.
Муҳаммад Юсуф ҳаёти ва ижодини ёш авлод онгига сингдириш борасида институт томонидан дастур ишлаб чиқилган. Унга асосан, 2020-2021 ўқув йилида бакалавриат ва магистратура мутахасислари учун Муҳаммад Юсуф ҳаёти ва ижодига бағишланган махсус курслар ташкил этилди. Шунингдек, шоир номи билан аталадиган алоҳида аудитория ажратилиб, ушбу аудитория Муҳаммад Юсуфнинг ҳаёти ва ижоди акс этган кўргазмали плакатлар, расмлар, шеърий китоблар билан жиҳозланмоқда. Айни пайтда, институт ҳовлисида жойлашган марказий кўшклардан бири Муҳаммад Юсуф номи билан аталган. Институтнинг АРМида шоир ижодига бағишланган маълумотлар ресурси ташкил этилиб, профессор – ўқитувчилар ҳамда талаба-ёшлар ундан кенг фойдаланишлари учун шарт-шароитлар яратилмоқда.
Институт ҳамда бошқа таълим муассасалари талаба-ёшлари учун “Муҳаммад Юсуф издошлари” ижод тўгараги ташкил қилинди ва ушбу тўгаракка иқтидорли талаба-ёшлар жалб қилинмоқда.
2020-2021 ўқув йилидан бошлаб, танлов асосида энг ижодкор талабалар орасидан Муҳаммад Юсуф номидаги стипендия бериладиган бўлди. Бундан ташқари, кўкрак нишони жорий этилди. Мухтасар қилиб айтганда, институтдаги ҳар бир талаба, ходим, профессор, ўқитувчилар шоир ҳаёти ва ижодини билиши учун тарғибот ва ташвиқот ишлари амалга оширилмоқда ва ушбу тадбирлар бундан кейин ҳам ишлаб чиқилган дастур асосида давом эттирилади.
Адабий кечада институтнинг “Халқ ижодиёти” факультети ўқитувчи ҳамда талабалари иштирокида Муҳаммад Юсуф шеърлари асосида яратилган куй-қўшиқлар ижро этилди. Тадбир қатнашчилари томонидан шоир шеърларидан намуналар ўқилди.
Ўзбекистон халқ шоири Муҳаммад Юсуф ижодидаги ватанпарварлик ғояларини ёшлар онгига сингдириш, унинг ҳаёти ва ижодини халқимиз орасида кенг тарғиб қилиш борасида фикр-мулоҳазалар билдирилди.
Рақамли технологиялар асосида онлайн тарзда ташкил қилинган адабий кеча институтнинг Фарғона минтақавий филиали раҳбарияти, Ёшлар иттифоқи бошланғич ташкилоти етакчиси, шунингдек Нукус филиали қатнашчилари томонидан юқори баҳоланди.
Андижон шаҳридаги Муҳаммад Юсуф номидаги ижод мактаби раҳбарияти томонидан бу каби учршувлар ўғил-қизларни ўзбек шеъриятига бўлган қизиқишларини янада ошириш, буюк шоир, ёзувчи, алломаларимиз, бой маданий меъросимизга ҳурмат руҳида тариялашда муҳим ўрин тутиши таъкидланди..

Муҳаммад Юсуф ҳаёти ва ижоди билан боғлиқ шу каби тадбирлар келгусида ҳам Ўзбекистон давлат санъат ва маданият институти томонидан анъанавий тарзда ўтказилиб борилади.